కడ్తాల్ పిరమిడ్ ధ్యాన మహాసభలు, సమాచారం..

కడ్తాల్ లో పిరమిడ్ ధ్యానమహాసభలు జరుగుతున్నాయి. కడ్తాల్ కు 6కిలోమీటర్ల దూరంలో బ్రహ్మర్షి పత్రీజీ అధ్వర్యంలో ఈ వేడుకలు ఎంతో ఘనంగా జరుగుతున్నాయి. పత్రీజీ వెలుగులోకి తెచ్చిన పిరమిడ్ ధ్యాన సిద్ధాంతం ఎంతో విస్తృతమైందని ఈ సభలను చూస్తే తెలుస్తుంది. ధ్యాన చింతన మరింత పెంపొందడానికి పిరమిడ్ ఎంతగానో సహకరిస్తుంది. ముఖ్యంగా  పిరమిడ్ ఎఫెక్ట్ తో.. మనిషి ఏకాగ్రత ఒక చోట కేంద్రీకృతమవుతుంది. ఇందులో ఎలాంటి సందేహం లేదు. మొత్తం మీద..  పత్రీజీ ధ్యానాన్ని బాగానే వ్యాప్తి చేయగలిగారు. ఈ మహాసభలకు వెళ్లిన వారికిది మరింత స్పష్టమవుతుంది. కాకుంటే ఈ పిరమిడ్  కట్టడాన్ని ఫినీష్ చేసి సభలు ప్రారంభించి వుంటే బావుండేది. ఇంకా పచ్చి పచ్చిగానే వుందా కట్టడం. ఒక ఐరన్ ఫ్రేమ్ ను పిరమిడ్ ఆకారంలో మలచి దానిపై సిమెంటు రాళ్లను కప్పి వున్నారు. 

దీంతో అక్కడెక్కడో ఈజిస్టులో వెలసిన పిరమిడ్.. ఇండియాలో అందునా ఆంధ్రప్రదేశ్ లోని హైదరాబాద్ శ్రీశైలం హైవేలో వెలసినట్టైంది. పత్రీజీ ధ్యానం అంటే ఏమని చెబుతారో తెలియదు కానీ, ధ్యానంలో డ్రమటైజేషన్ మిక్స్ చేయడం పిరమిడ్ ధ్యానగురువుల అలవాటు. ధ్యానం మనసుకు ఎంతో మేలు చేస్తుంది. శ్వాస మీద ధ్యాస నిలపడం ధ్యానం. ఈ క్రమంలో భాగంగా.. మన ఆలోచనలు తగ్గుముఖం పడతాయి. దీంతో మనసుకు శాంతి లభిస్తుంది. ఇందులో వున్న విషయం ఇంతే. ధ్యాన వ్యాప్తి చెందించడానికి లేని పోని కథనాలను ప్రచారం చేస్తుంటారు ధ్యానగురువులు. గతజన్మలు సాక్షాత్కారమవుతాయనీ.. తద్వారా గతజన్మలో మన భార్యా, భర్తలెవరో స్పష్టమవుతుందనీ.. అంటూ లేని పోని కథనాలను ప్రచారం చేసుకుంటారు. ధ్యానంతో మనశ్శాంతి పొందాల్సిన సాధకులు అశాంతికి లోనవుతున్న ఉదంతాలు కొన్ని వెలుగు చూశాయి. కనుక ధ్యానమైనా, దైవమైనా దాన్ని దానిలాగే చూడ్డంతో ఆపేయాలి. లేని పోని కట్టుకథలు, అవాస్తవాలను నమ్మి మోసపోవద్దు. అదంత మంచిది కాదు. ధ్యానం వల్ల కేవలం మనశ్శాంతి మాత్రమే లభిస్తుంది. గతజన్మసాక్షాత్కారాలు, లేని పోని ఫాంటసీలు ఏం దర్శనమివ్వవు. తస్మాత్ జాగ్రత్త. 

-తెలుగుశాల